எடக்கு மடக்கு ... ஜக்குவின் முதல் சிறுகதை (இன்னாது?!!!)

வாங்க உக்காருங்க. உங்க பேரு?

தாங்க்யூ சார். கந்தசாமி சார்.

எந்த வேலைக்கு இன்டெர்வியூக்கு வந்து இருக்கீங்கன்னு தெரியுமா?

தெரியும் சார். ரயில்வே சிக்னல் மேன் வேலைக்கு சார்.

வெரி குட். உங்க மொதல் கேள்வி. நீங்க டியூட்டில இருக்கும் போது திடீர்னு ஒரே ட்ராக்ல எதிரும் புதிருமா ரெண்டு ட்ரெயின் வந்து கொண்டிருப்பது தெரிந்தால் என்ன செய்வீர்கள்?

ஒடனே லீவரை யூஸ் பண்ணி ஒரு ட்ரெயினை அடுத்த ட்ராக்குக்கு மாத்திருவேன் சார்.

லீவர் உடைந்து போயிருந்தால் என்ன செய்வீர்கள்?

உடனே சிக்னலை சிவப்பாக மாத்தி ட்ரெயினை நிறுத்திருவேன் சார்.

சிக்னலும் வேலை செய்யவில்லை என்றால் என்ன செய்வீர்கள்?

உட்னே பக்கத்து ஸ்டேஷனுக்கு போன் பண்ணி ட்ரெயினை நிறுத்த சொல்வேன் சார்.

உங்க ஸ்டேஷனில் போன் வேலை செய்யவில்லை என்றால் என்ன செய்வீர்கள்?

ஓடிப் போய் பக்கத்துல இருக்குற பப்ளிக் போன் பூத்லேர்ந்து போன் பண்ணுவேன் சார்.

பப்ளிக் பூத்திலும் போன் வேலை செய்யவில்லை என்றால் என்ன செய்வீர்கள்?

சிவப்பு லைட்டை காண்பித்து தூரத்துலயே ஒரு ட்ரெயினை நிறுத்திருவேன் சார்.

சிவப்பு லைட்டும் உடைந்து போயிருந்தால் என்ன செய்வீர்கள்?

சிவப்பு கொடியை தூக்கிக் கொண்டு ட்ராக்கிலேயே வேகமாய் எவ்வளவு தூரம் முடியுமோ அவ்ளோ தூரம் ஓடிப் போய் எப்படியாவது ஒரு ட்ரெயினை நிறுத்திருவேன் சார்.

சிவப்பு கொடியும் காணாமல் போயிருந்தால் என்ன செய்வீர்கள்?

உடனே வூட்டுக்கு ஓடிப் போய் அண்ணாத்தய இட்டாந்துருவேன் வாத்யார்!

வா...ட்? எதற்காக உங்கள் அண்ணாத்தையை ... ஐ மீன் ... அண்ணனை அழைத்துக் கொண்டு வருவீர்கள்?

எங்க அண்ணாத்த இதுவரைக்கும் ஒரு தபா கூட ட்ரெயின் ஆக்ஸிடென்டே பார்த்ததில்லையாம் வாத்யார்!!!

இப்படிக்கு

ஜாம்பஜார் ஜக்கு