FLASH NEWS!!! திருக்குறள் 134-ம் அதிகாரம் கண்டுபிடிப்பு!

வாத்யார், பழைய ஓலைச்சுவடி ஆனதுனால மூணே மூணு வார்த்தை காணாம பூட்ச்சு. எதுகை மோனைய வச்சு யார் மொதல்ல கரீட்டா கண்டு புடிக்கிறாங்கன்னு பாக்கலாம்.

அதிகாரம்-134

பதிவர் மாட்சி

பதிவெழுதி வாழ்வரே வாழ்வார் மற்றெல்லாம்

பின்னூட்டிப் பின்செல் பவர். (1)

பெற்றத னாலாய பயன் என் கொல் பின்னூட்டம்

நற்பதிவாய் இடார் எனின் (2)

எந் நன்றி கொன்றார்க்கும் உய்வுண்டாம் உய்வில்லை

பின்னூட்ட மறந்தார் தமக்கு (3)

சட்டென்று பதிவெழுதி பயனுண்டோ பயனில்லை

ஹிட்கவுன்டர் ஏறா விடத்து (4)

தொட்டனைத் தூறும் மணற்கேணி பதிவர்க்கு

ஹிட் டனைத்தூறும் மகிழ்வு (5)

சக்கைப் போடு போட்டாலும் பதிவர்க்கு

மொக்கைப் பதிவே துணை (6)

ஆனான பதிவர்க்கும் பின்னூட்டம் குறைவிற்பின்

அனானி உண்டே துணை (7)

பதிவு ஹிட்கவுன்டர் பின்னூட்டம் இம்மூன்றும்

அதிகம் வேண்டார் இலர் (8)

மட்டில் வேகத்து பலப் பதிவு தாம் இடுவார்

கட்-அன்-பேஸ்ட் கைகொள் பவர் (9)

நெருநல் விடை பெறுவார் மறுநாள் மீண்டுவரும்

பெருமை உடைத்தபதி வுலகு. (10)

ஜக்குவின் பின்னூட்டம்:

1) நம்ம பாரதியாரு சொன்னாப்ல 'மொக்கையே ஆனாலும் ஆன்ற தமிழ் புலவீர்' இதுல அர்த்தம் எதுனாச்சும் கீதான்னு பாத்து சொல்லுங்க.

2) நமக்கு சின்ன வயசுலேர்ந்தே வள்ளுவரு கிட்ட ஒரு இது. அத்தொட்டு வள்ளுவராண்ட ஒரு வார்த்த: "மன்ச்சுக்க வாத்யார்!"

சரியான விடை சொன்னவர்கள் (28 July சேர்த்தது)

மூன்று வார்த்தையையும் கரீட்டா சொன்னவர்கள்:

1. நாமக்கல் சிபி (இவுருதான் ஃபர்ஸ்டு!)

2. சீனா

வாழ்த்துக்கள் வாத்யார்!!!!

இப்படிக்கு

ஜாம்பஜார் ஜக்கு